Ukrayna müxalifətinin lideri, Regionlar Partiyasının rəhbəri Viktor Yanukoviç özünü prezident seçkilərinin qalibi elan edib. O, həmçinin rəqibi Yuliya Timoşenkonu baş nazir postundan istefa verməyə çağırıb. Lakin ilk reaksiyadaTimoşenko nəticələrin bir-birinə çox yaxın olduğunu bildirərək bundan imtina edib.
   
   Dünən günün ikinci yarısında xəbər yayıldı ki, "Yuliya Timoşenko Bloku" (YTB) müxalifətə keçməyə hazır olması ilə bağlı bəyanat yayıb. Bəyanatı Ali Radanın vitse-spikeri, YTB-nin liderlərindən biri Nikolay Tomenko çıxış edib.
   
   Tomenko qeyd edib ki, YTB ancaq Mərkəzi Seçki Komissiyasının rəsmi nəticələri elan etməsindən sonra müxalifətə keçəcək. O, yeni prezidentin legitimliyinin hüquqi tərəfini MSK-nın müəyyən etdiyini, lakin mənəvi və ictimai legitimlik sualının açıq qaldığını vurğulayıb.
   
   Qeyd edək ki, bülletenlərin 97,2 faizinin hesablanmasından sonra Viktor Yanukoviç 48,4 faiz, Yuliya Timoşenko isə 45,99 faiz səs yığıb. Ekspertlər yerdə qalan 2,8 faiz bülletenin namizədlər arasındakı 2,41 faizlik fərqi aradan qaldırmaq iqtidarında olmadığını bildirirlər.