Müğənni Ayan özü haqqında internet saytlarında yayılan məlumatlara aydınlıq gətirib. Müğənni Lent.az-a açıqlamasında milliyyəti ilə bağlı gəzən şayiələrə son qoyub: "Boş-boş söhbətlərə son qoymaq üçün bu açıqlamanı edirəm. Əvvəla, mən ailə qurmamışam. Hələ ki, subayam. Bu, bir. İkincisi, mən - Ayan Babakişiyeva azərbaycanlıyam. Şəxsiyyətimi təsdiq edən bütün sənədlərdə milliyyətim azərbaycanlıdır. Bununla da fəxr edirəm".
   
   Müğənni bu cür şayiələrə əsas verən məqama da aydınlıq gətirib: "Nənələrimdən biri Dərbənd əsilli dağ yəhudisi olub. Yəhudi xalqının dilinə, dininə və adət-ənənələrinə hörmətim var. Mənə çox xoşdur ki, bu dildə oxuduğum bütün mahnılar yəhudilər tərəfindən rəğbətlə qarşılanır. Ancaq mənə belə reklam lazım deyil. Reklamım sevə-sevə oxuduğum mahnılarımdır".