Bakının Səbayel rayonunda bir gecədə üç nəfər dəm qazından zəhərlənib. Bu barədə APA-ya Klinik Tibbi Mərkəzdən bildirilib. Səbayel rayon sakinləri 31 yaşlı Niyaməddin Kişiyev, 35 yaşlı Münəvvər Süleymanov və 34 yaşlı Həmidə Həsənova zəhərlənmə diaqnozu ilə xəstəxanaya yerləşdiriliblər. Onların yaşadıqları evdə dəm qazından zəhərləndiyi bildirilir.
   
   Faktla bağlı polis tərəfindən təhqiqat aparılır.

Bakı şəhərində bədbəxt hadisə baş verib. Xətai rayon Prokurorluğundan APA-ya verilən məlumata görə, Xətai rayonu, Naximov küçəsi 29 ünvanında yerləşən beşmərtəbəli yaşayış binasının sonuncu mərtəbəsində yaşayan, 1980-ci il təvəllüdlü Anar İbrahim oğlu Əhmədov fevralın 1-dən 2-nə keçən gecə mənzilə damdan daxil olmaq istəyərkən yıxılıb. O, aldığı xəsarətdən yerindəcə keçinib.
   
   Faktla bağlı Xətai rayon Prokurorluğu tərəfindən araşdırma aparılır.

Sumqayıt şəhər Bələdiyyəsinin inzibati binasında yanğın olub. APA-nın Fövqəladə Hallar Nazirliyinin rəsmi ineternet səhifəsinə istinadən yaydığı məlumata görə, hadisə dünən səhər saatlarında baş verib.
   
   Yanğın nəticəsində Sumqayıt şəhər Bələdiyyəsinin yerləşdiyi ümumi sahəsi 500 kv/m olan ikimərtəbəli binanın yanar konstruksiyaları və oradakı əşyalar 30 kv/m sahədə yanıb. Həyata keçirilən tədbirlər nəticəsində yanğının qarşısı alınıb.