SSRİ xalq artisti Müslüm Maqomayevə Moskvada ucaldılacaq abidənin yerində özül daşının qoyulması mərasimi təxirə salınıb. "RİA Novosti" agentliyinin yaydığı məlumata görə, Moskvanın mədəniyyət departamentindən tədbirin qeyri-müəyyən müddətə təxirə salındığını açıqlayıblar.
   
   Maqomayevə qoyulacaq abidənin özül daşının qoyulması fevralın 3-nə təyin olunmuşdu. Plana görə, abidə Yeliseyev və Voznesensk döngələrinin kəsişməsində quraşdırılmalıdır. Amma indi tədbir gözlənilmədən təxirə salınıb. Moskva meriyası bunun səbəbini açıqlamayıb.