"Azərbaycanda 250-dək otel lisenziya alıb". AzərTAc-ın verdiyi xəbərə görə, bu məlumatı jurnalistlərə mədəniyyət və turizm naziri Əbülfəs Qarayev verib.
   
   Nazirin sözlərinə görə, göstərdikləri fəaliyyət beynəlxalq standartlara uyğun olmadığı üçün 70-ə yaxın otelə lisenziya verilməyib.
   
   Nazir bildirib ki, ölkəmizdəki turizm şirkətlərinin sayında inkişaf müşahidə olunur: "2001-ci ildə Azərbaycanda 30 turizm şirkəti mövcud idisə, hazırda onların sayı 260-a çatıb. Bu, normal bir rəqəmdir və bizim bazar üçün tam yetərlidir."