Yevlax rayonu ərazisində ölümlə nəticələnən yol qəzası olub. APA-nın yerli bürosunun xəbərinə görə, hadisə yanvarın 31-də axşam saat 18:00 radələrində Yevlax-Zaqatala-Gürcüstan avtomobil yolunun 6-cı kilometrliyində, Xaldan qəsəbəsində baş verib. Mingəçevir şəhər sakini, ikinci qrup Qarabağ müharibəsi əlili, 1967-ci il təvəllüdlü Atakişiyev Süleyman Eldar oğluna məxsus "Oka" markalı minik avtomobili yüksək sürətlə hərəkətdə olarkən yoldan çıxaraq aşıb.
   
   Hadisə nəticəsində sürücünün anası 1945-ci il təvəllüdlü Atakişiyeva Adilə Əziz qızı və həyat yoldaşı 1972-ci il təvəllüdlü Atakişiyeva Heyran Nəbi qızı dünyasını dəyişib. Sürücü S. Atakişiyev müxtəlif bədən xəsarətləri ilə Mingəçevir şəhər Mərkəzi Xəstəxanasının travmatologiya şöbəsinə yerləşdirilib. Faktla bağlı Baş Dövlət Yol Polisi İdarəsinin istintaq və təhqiqat şöbəsi tərəfindən araşdırma aparılır.