Müğənni Natəvan Həbibi yaradıcılığındakı durğunluğa son qoyub. Müğənni hazırda imicində dəyişikliklər edir, sözləri və musiqisi Murad Arifə məxsus olan "Təyyarələr" adlı yeni hit yazdırıb. Həbibi Maks Fadeyevdən aldığı mahnısına da qovuşub.
   
   Bütün bu xəbərləri müğənninin prodüseri Tolik Lent.az-a açıqlayıb: "Maks Fadeyevdən çoxdan gözlədiyimiz mahnı gəlib, indi biz ona klip çəkdirməyə hazırlaşırıq. Klip Dubayda çəkiləcək. Mahnının rejissoru çox yəqin ki, ərəb rejissoru olacaq, çünki mahnı özü də ərəbcədir, yəqin ki, onu ərəb rejissoru daha yaxşı duyar".