"Bakı" və Azərbaycan milli komandasının braziliyalı yarımmüdafiəçisi Fabio Luis Ramim bu il ölkə çempionatının daha gərgin və maraqlı keçdiyini düşünür. Qol.az-ın "Bakı"nın rəsmi saytına istinadən verdiyi məlumata görə, təcrübəli futbolçu altılıqda yer alan komandaların hamının medallar uğrunda mübarizə aparacağını söyləyib.
   
   Ramim deyib: "Məncə final mərhələsinə qatılan bütün komandaların çempionluq şansları var. Daha yaxşı hazırlıq keçən və ortaya taktiki rəngarənglik qoymağı bacaran kollektiv qələbəyə daha yaxın olacaq. Bizim komanda əla futbolçulardan təşkil olunub. Heyətə yeni oyunçular da dəvət edilib. Komandamız istənilən vəzifənin öhdəsindən gəlməyə qadirdir".
   
   Futbolçunun fikrincə çempionluq mübarizəsinin "İnter", "Xəzər Lənkəran", "Nertçi", "Qarabağ" və "Bakı" arasında gedəcəyi daha ağılabatandır: "Amma digər komandaları da unutmaq lazım deyil. Son mərhələdə hər şey komandaların durumundan asılı olacaq".