İspaniyanın "Real" klubunun eks baş məşqçisi Bernd Şuster açıqlamalarının birində bildirib ki, Almaniyanın "Bavariya" klubunun şərəfini qoruyan Frank Riberi bu yay "kral klubu"nun oyunçusu olacaq. Çünki bunun üçün ciddi maneə yoxdur.
   
   Şuster deyib: "Əgər futbolçu karyerasını davam etdirmək üçün başqa bir klubu seçirsə, onun qərarını dəyişdirmək çətin olur. Ən nəhayət, Riberi "Real"ın oyunçusu olacaq. Buna şübhə etməmək lazımdır. Bu şəxsən məndən ötrü bir faktdır. Onu da unutmaq olmaz ki, əks təqdirdə "Bavariya" böyük pullar itirəcək".