Müğənni Röya yeni ildə ilk konsertini verəcək. Bakının məşhur məkanlarının birində yanvarın 13-də keçiriləcək konsertin adı "Röya və dostları"dır.
   
   Bu barədə açıqlama verən müğənninin prodüseri Kənan bildirib ki, konsertdə illər boyu hit mahnılara imza atan müğənnilər həmin gün sözügedən mahnıları səsləndirəcək.
   
   Konsertdə xalq artistləri Nazpəri Dostəliyeva, Faiq Ağayev, əməkdar artist Aygün Bəylər, Rəhim Rəhimli, Teymur Əmrah, Xumar Qədimova, Zamiq və başqa müğənnilər də çıxış edəcək.
   
   Prodüser Röyanın 250 min manatlıq yeni avtomobil alması xəbərinə də münasibət bildirib: "Bəli, hansısa saytda yazılıb ki, müğənni Röya "Mercedes GeLandeWagensur" sürəcək, özunə 250 min ABŞ dolları məbləğində yeni qara rəngdə avtomobil alıb. Bu hadisə iki il əvvəl olub. Xəbəri yazan iki il sonra xəbər tutub, neyləsin?"