Srağagün "Qarabağ"ın vitse-prezidenti Tahir Gözəl futbolçuları ziyarət edib. Fanat.az xəbər verir ki, futbolçularla tək-tək görüşən Tahir bəy "Qarabağ"ın uğurlu çıxışına toxunub.
   
   Son zamanlar komandanın möhtəşəm təsir bağışladığını və daha böyük işlər görə biləcəklərinə inandığını bildirən vitse-prezident zirvəyə pillə-pillə yüksəlməyin daha faydalı olduğunu söyləyib. Tahir bəy ötən mövsüm kuboku qazanan komandanın daha böyük uğurlara motivasiya olunmasının zamanı çatdığını deyib, avrokuboklardakı çıxışın ölkəmizə gətirdiyi sevinci xatırladıb və Azərbaycanı daha da sevindirmək üçün hər şeyin onların əlində olduğunu bildirib. Deyib ki, indi qarşıda daha bir məqsəd var: çempionluq. Uzun müddətdir bu titula həsrət qalan komandadan Tahir bəy məhz bu zəfəri istədiyini gizlətməyib.