Yaxın zamanlarda ailə quracağı gözlənilən müğənni Zamiq yeni klip çəkilişlərini reallaşdırıb. Müğənninin mətbuat katibi Ləman Tağıyevanın Lent.az-a verdiyi məlumata görə, klip müğənninin Yaşıl teatrda verdiyi ilk solo konsertdən kadrlarla zənginləşib.
   
   Klip Zamiqin bu günə qədər hit olmuş müxtəlif mahnılarının yığmasından hazırlanan "HİT" adlı yeni mahnıya çəkilib. Mahnının sözləri və musiqisi Nazimə məxsusdur. Klipin rejissoru Rəşad Həsənov klipi Zamiqə hədiyyə edib. Sözügedən klipin bu həftədən etibarən geniş kütləyə təqdim ediləcəyi gözlənilir.