İtaliyanın "Yuventus" komandasının kapitanı Alessandro Del Pyero "Milan"dan David Trezeqe, "İnter"dən İbraqimoviç və Eto’O haqqında fikirlərini söyləyib. O, sonra "Real"ın veteran hücumçusu Raul haqqında da danışaraq özüü ilə onun arasında paralellər aparıb. O hər bir oyunçunun özəl xüsusiyyətlərindən söz açıb.
   
   Del Pyero deyib: "Əgər David "Milan"a gəlsə, məni çox təəccübləndirər. İbraqimoviçin isə yerdəyişməsi ən çox "İnter"dən asılıdır. Eto’O isə öz ampluasında çox əladır. Sadəcə olaraq ondan istifadə etmək lazımdır. Raul dünyanın çox böyük oyunçularından biridir. Əslinə qalsa Raul ilə mənim həyatım biri-birinə çox bənzəyir. O həqiqətən də "Real" üçün çox şeylər edib. Və inanıram ki, hələ bundan sonra da komandası üçün çox işlər görəcək".

Norveçin "Rusenborq" komandasını məğlub edərək Avroliqanın üçüncü mərhələsinə vəsiqə qazanan Ağdamın "Qarabağ" komandasının növbəti rəqibi məlum oldu. Qol.az-ın məlumatına görə, "Honka" səfərdə Uelsin "Banqor Siti" klubuna minimal hesabla qalib gəlib. Komandanın yeganə qolunu 39-cu dəqiqəsində Puustinen vurub.
   
   Məlumat üçün bildirək ki, Finlandiya klubu ilk görüşdə rəqibi 2:0 hesabı ilə məğlub etmişdi. Məhz bu nəticələrə görə, "Qarabağ"ın növbəti rəqibi Finlandiyanın "Honka" komandası olacaq. Qeyd edək ki, komandamız ilk oyunu iyulun 30-da səfərdə keçirəcək. Cavab matçı isə bir həftə sonra T. Bəhramov stadionunda keçiriləcək.

"İnter"- "ÇSKA" qarşılaşmasından sonra bank klubunun baş məşqçisi Kaxaber Tsxadadze oyun barədə fikirlərini bildirib. Fanat.az xəbər verir ki, baş məşqçi komandasının indi ağır tapşırıqların birinci mərhələsini yerinə yetirdiyini bildirib: "Komanda hər gün iki dəfə intensiv məşq edir və yoxlama oyunları keçirir. Növbəti yoxlama oyununda komandanın əldə edəcəyi nəticə ağır məşqlərin yerinə yetirilmə səviyyəsi barədə konkret fikir söyləməyə əsas verəcək".
   
   Baş məşqçi deyib ki, keçirilən hər iki yoxlama oyununda meydanlardan qənaətedici nəticələrlə ayrılıb. Tsxadadze xüsusilə vurğulayıb ki, oyunun sonunda komandamızın xarakter nümayiş etdirərək hesabda tarazlıq yarada bilməsi çox vacibdir. Baş məşqçi problemlərdən də danışıb. Onun sözlərinə görə, oyun zamanı futbolçular mənasız top itirmələrinə və qeyri-dəqiq ötürmələrə yol verirlər. Bu problem üzərində diqqətlə çalışacaqlarını vurğulayan baş məşqçi əlavə edib ki, "ÇSKA" ilə keçirilən oyundan razı qalıb.

İspaniyanın "Sevilya" klubunun prezidenti Xose Mariya del Nido mətbuat üçün açıqlamalarında bildirib ki, onlar daha yeni oyunçu almaq fikrində deyil.
   
   Prezident bu sözləri Serxio Sançeslə dörd illik müqavilə imzaladıqdan sonra bildirib. Lakin o da söylənir ki, komandanın baş məşqçisi hələ bəzi tarnsferlərin vacib olduğunu deyib. Nəzərdə tutulan oyunçuların alınıb-alınmayacağında hansı qərarların veriləcəyi hələlik məlum deyil.
   
   

Mətbuat yazdır ki, istedadlı futbolçu Xose Xuradonun başqa komandaya keçəcəyi ilə bağlı deyilənlər real deyil. Belə hesab olunur ki, hücumameyilli yarımmüdafiəçi Xurado hələ qarşıdakı mövsümdə də "Atletiko"da oynayacaq.
   
   23 yaşlı havbek özü də bu haqda danışanda bildirib ki, komandasından başqa kluba getməyi arzulamır. O deyib: "Mən hələ "Atletiko"da oynamaq istəyirəm. Arzum budur ki, elə bu komandada oynayıb Çempionlar Liqasındakı oyunlarda uğurlar qazanım".
   
   Məlumat üçün bildirim ki, Xurado ötən mövsüm kirayə şərtləri ilə "Malorka"da çıxış edib. Və heyətdə öz sanballı oyunu ilə liderlik qazanıb.
   
   
   
   

"İlk növbədə qələbə münasibəti ilə rəqib komandanı təbrik edirəm. Onlara növbəti mərhələdə uğurlar arzulayıram Əlbəttə, nəticəyə görə çox məyusam".
   
   Qol.az-ın məlumatına görə, bu sözləri "Qarabağ"la oyunsonrası mətbuat konfransında "Rusenborq"un baş məşqçisi Erik Hamren deyib. Təcrübəli mütəxəssis bildirib ki, komandası ilk yarıda çox zəif oynayıb: "Birinci hissədə çox zəif oynadıq. İkinci hissədə çalışdıq ki, oyunun axarını dəyişək, amma bu bizə qismət olmadı. Bu mövsümdə ilk dəfə məğlubiyyət acısı yaşadıq. Buna görə çox məyusam. Fasilədə inanırdım ki, matçın gedişatı dəyişəcək. Amma alınmadı. İkinci hissədə şanslarımız oldu. Amma qapıçınız çox yaxşı oynadı. Azarkeşlər komandaya güclü dəstək verdilər. Amma meydanda azarkeşlər deyil, futbolçular oynayır. "Qarabağ"ın adı həm mənim, həm də mənim futbolçularımın ürəyində qalacaq".
   
   

İtaliya mətbuatının yazdığından belə aydın olur ki, "Palermo" növbəti mövsümə çox ciddi hazırlaşır. Bu məqsədlə uğurlu transferlər də edib. Bildirilir ki, komanda mərkəz müdafiəsini "Latsio"dan aldığı Emilson Kribariyə tapşırmağı düşünür.
   
   "Le Mana"dan İbraqim Kamaranı "Torino"dan isə Blerim Cemaylini heyətinə qatmaqla yarımmüdafiə xəttini möhkəmlənldirib. Klub rəhbərliyi növbəti mövsümdə iddialı çıxış edəcəklərini bildirib.
   
   

Fransa mətbuatı yazır ki, Fransanın "Marsel" klubunun kapitanı yaxın günlərdə "Sanderlend"lə rəsmi müqavilə imzalayacaq. İngilis klubu alban əsillli Lorik Kanadan ötrü 6 milyon avro fransız klubuna ödəyib. Müqavilə şərtlərinə görə, 25 yaşlı yarımmüdafiəçi ingilslərlə dörd illik müqavilə imzalayıb.
   
   Qeyd edək ki, Lorik Kana hazırda Avropanın ən yaxşı yarımmüdafiəçilərindən biri hesab edilir. O, karyerasına 2002-ci ildə "PSJ"-də başlayıb. Orada üç mövsüm oynayıb, 69 matçda 3 qola imza atıb. "Marsel"in heyətinə isə 2005-ci ildə gəlib. 122 matç keçirib, 17 dəfə fərqlənib. Bundan başqa, o, həm də Albaniya milli komandasının formasını geyinir.