ABŞ-ın Azərbaycandakı səfiri Ann Dersi səlahiyyət müddətinin bitməsi ilə əlaqədar bu gün Bakını tərk edir. Bu barədə APA-ya səfir özü məlumat verib. Bir müddət ABŞ-da olacağını deyən xanım diplomat az sonra yeni təyinatı - ABŞ-ın Litvada fövqəladə və səlahiyyətli səfiri vəzifəsini yerinə yetirməyə başlayacağını bildirib.
   A. Dersi onu da əlavə edib ki, ABŞ-ın Azərbaycanda çalışacaq yeni səfirinin adını prezident Barak Obama hələ açıqlamayıb. Qeyd edək ki, A. Dersi Azərbaycanda 2006-cı ilin mayından çalışır.