Gəncə şəhərində silah-sursat tapılıb. Gəncə Şəhər Polis İdarəsindən APA-nın qərb bürosuna verilən məlumata görə, naməlum şəxs Kəpəz Rayon Polis Şöbəsinə zəng edərək Gəncə Dövlət Universitetinin 2-ci korpusunun barısının dibində silah-sursat olduğunu bildirib.
   
   Deyilən ünvana yollanan əməliyyat qrupu orada otların arasında selofan torbada AK-74 tipli avtomat silah üçün nəzərdə tutulan 3 ədəd daraq aşkar edib. Daraqlardan ikisinin hər birində 30 ədəd, üçüncüdə isə 18 ədəd olmaqla, cəmi 48 ədəd 5,45 kalibrli patron aşkar edilib.
   
   Faktla bağlı Kəpəz Rayon Polis Şöbəsində təhqiqat aparılır.