Rabitə və İnformasiya Texnologiyaları Nazirliyinin "Aztelekom" İstehsalat Birliyi 15 iyun - Milli Qurtuluş Günü münasibətilə ölkənin müxtəlif regionlarında yeni rabitə obyektlərini quraşdırıb.
   
   Nazirlikdən "APA-Economics"ə verilən məlumata görə, "Aztelekom" tərəfindən həyata keçirilmiş tədbirlər nəticəsində Sabirabadın Moranlı kəndində 160/30, Cəlilabadın Alar kəndində 208/30, Qəbələdə Hərbi şəhərcik yaşayış sahəsində 608/60, Yardımlının Şəfəqli kəndində 256/30 nömrə tutumlu, Türkiyənin "KAREL" şirkətinin istehsalı olan yeni elektron tipli ATS-lər tikilərək sakinlərin istifadəsinə verilib.