Gələn ay Azərbaycandan bir qurup nümayəndə heyəti Şimali Kipr Türk Respublikasına səfər edəcək. "OLAYLAR"İA-ya daxil olan məlumata görə, Azəri-Türk Qadınlar Birliyinin təşkilatçılığı ilə baş tutacaq səfər çərçivəsində nümayəndə heyəti Şimali Kipr Türk Respublikasının müxtəlif ictimai və siyasi təşkilatlarında görüşlər keçirəcək, burada fəaliyyət göstərən Azərbaycan Mədəniyyət Mərkəzində olacaqlar.
   
   Nümayəndə heyətinin tərkibinə Azəri-Türk Qadınlar Birliyinin sədri Tənzilə Rüstəmxanlı, Beynəlxalq Diaspora Mərkəzinin sədri İsmayıl Ağayev, eləcə də bir sıra qeyri-hökumət təşkilatlarının rəhbərləri daxildir.