İtaliyanın baş nazirinin başı qalmaqallardan açılmır.
   
    Siyasi fəaliyyətindən daha çox, şəxsi həyatı, qadınlara düşkünlüyü və anormal çıxışları ilə yadda qalan baş nazirin lüks villasında yarıçılpaq qadınlarla birlikdə şəkilləri yayılıb.
   
   Berluskoni bu şəkillərin İtaliyada yayılmasına qadağa qoyub. Bu qadağa sadəcə İtaliyada qüvvədə olduğu üçün İspaniyanın "El Pais" qəzeti şəkilləri dərc etdirib.
   
   "Berluskoninin hərəmxanası" kimi təqdim olunan şəkillərdə baş nazirin lüks villasının hovuzunun ətrafında yarıçılpaq dolaşan manekenlər və film ulduzları var. Baş nazir də onların yanındadır. Bundan başqa, şəkillərdə xüsusi mühafizəçilər və silahlar da görünür.
   
   Şəkillərin yayılmasından sonra çətin vəziyyətə düşən baş nazirin hansı addım atacağı məlum deyil.