İngiltərənin "Arsenal" klubunda çıxış edən Sesk Fabreqas İspaniya millisinin heyətində oynadığı vaxt burnundan zədə alıb. Hazırda o, İngiltərəyə qayıdıb və klub həkimlərinin müayinəsindən sonra diaqnozu məlum olacaq. Amma ilkin versiya kimi oyunçunun burnunun sındığı söylənir.
   
   Qeyd edək ki, 2010-cu il Dünya Çempionatının ələmə matçlarındakı Belçika qarşılaşmasında Fabreqas burnunun sınmasına rəğmən matçı sonadək davam etdirdi. O hətta "topçular"ın rəhbərliyinə bildirib ki, zədəsinə baxmayaraq premyer-liqadakı növbəti oyunda - "Everton" qarşılaşmasında da meydana çıxmağa hazırdır.
   
   Oyunçu bunu onunla əlaqələndirib ki, hazırda onların komandasının heyəti elə də böyük deyil və oyunçuların əksəriyyəti gənclərdən ibarətdir. Arsen Venqerin həqiqətən Fabreqası əvəzləyəcək bir oyunçusu yoxdur. Fabreqas deyib: "Bizim çox kiçik və çox gənc kolmandamız var. Mənim ardımca oynayan Denilsonun 20, Ales Sonqun 21 yaşı, Teo Uolkotttun 19, Samir Nasrinin 21 yaşı var. Bu səbəbdən də onların təcrübəsi yetərincə deyil, bu da mənim üzərimə həddən artıq yük qoyur. Ona görə də yoldaşlarımı indi tək qoymaq istəmirəm".