Hörmətli redaksiya, 17 aprel 1989-cu il tarixdə Gədəbəy rayonu Nova-Saratovka kənd sakini Söhbət Nəbiyevlə ailə həyatı qurmuşam. 1990-cı il tarixdə qarşılıqlı nigahdan bir oğlumuz dünyaya gəldi. Həyat yoldaşmın təhriki ilə mənə məxsus qiymətli əşyalarımı məsləhətli şəkildə sataraq, oğlumuza Slavyanka kəndində ev - xüsusi mülk alaraq evləndirib, toy etmişik. Hal-hazırda oğlumuz Etibar Nəbiyev 4-5 otaqdan ibarət olan evdə yaşayır.
   07 aprel 2000-ci il tarixdə həyat yoldaşım dünyasını dəyişdi. Həmin vaxt mən xəstəxanada xəstə olan zaman dələduz oğlum gizli şəkildə mənə məxsus olan evimi Müzahim Şahrzayev oğluna satmışdır.
   Bununla əlaqədər Gədəbəy rayon Məhkəməsinə şikayət etdim. A.G.Cavadovun sədrliyi ilə işə baxılaraq düzgün qətnamə dərc edilsə də, təəssüflər olsun ki, bu günə kimi evsiz-eşiksiz, küçələrdə qalmışam.
   Bundan başqa M.Şahrzayev qeyri-qanuni olaraq mənə məxsus ola evi başqa şəxsə sataraq Gədəbəy rayonunu tərk edib. Mənim savadsızlığımdan, xəstəliymdən istifadə edən dələduz oğlumun özbaşınalığına son qoyan yoxdur.
   Sizdən xahiş edirəm, oğlumun özbaşınalığına son qoyulmasında mənə köməklik göstərəsiniz.